MOI IMPORTANTE. VISITADE A PÁXINA DO COLE

O ENLACE:


http://www.edu.xunta.gal/centros/ceipluisseoane/

Ola ola caracola...

Queridas familias e queridos nenos e nenas: Efectivamente están sendo tempos difíciles,  inimaxinables para todos fai uns meses e aos que hai que facer frente con medidas nunca experimentadas e as veces un pouco contradictorias e desconcertantes.

O martes na intervención das autoridades educativas estatais transmitiuse unha información que puido non entenderse moi ben e o que logo, a interpretación que dela fixeron os medios de comunicación en lugar de clarificar confundiu mais.

Vou intentar concretar e resumir o que nos afecta, paraPrimaria :

Non hai aprobado xeral, pero sí Promoción automática con materias pendentes nalgúns casos. A repetición de curso pasa de ser unha medida extraordinaria (así se clasifica todos os anos dentro das medidas de atención á diversidade) a ser, nesta situación de pandemia, unha medida “moi extraordinaria”.

En canto a esta promoción poden darse duas situacións:

1) Ter aprobadas a primeira e a segunda avaliación en todas as materias.

“ Parabéns alumno / alumna , grazas polo teu esforzo!!!”. Está a porta aberta para o teu paso ao seguinte curso. Iso significa que acabou o curso para ti? NON. O calendario escolar mantense . De que che pode valer seguir entregando tarefas? Pois e importante saber que podes millorar as túas cualificacións e podes aprender polo pracer de facelo, sen presións, sen exames, sen maiores preocupacións. Estás salvada/o en canto ao curso se refire.

Que faría eu na túa situación? Profundizar no que se me dese ben e me interesase moito, repasar todo o que me custa un pouco máis para asegurar que o curso que vén todo irá mellor e poderei axudar aos compañeiros e compañeiras aos que lles estea custando máis.

2) Ter algunha ou varias materias suspensas na primeira e/ou na segunda avaliación

Neste caso tes unha oportunidade única, podes centrarte en recuperalas, podes pedir os reforzos que precises se tes dúbidas ou dificultades, pero, dependerá de ti pasar ou non pasar de curso sen mateias pendentes , terás ao teu profesorado centrado en axudarche para facilitarche ó máximo o éxito, pero terás que manter o teu interese, dedicarlle un tempo e preguntar todo o que non entendas.

- Cambio de etapa

Aquí si que temos moitas lagoas… debemos agardar as instrucións precisas en Galicia.  O que sabemos é que a avaliación atenderá a criterios globalizadores. Que significa? Que pensaremos se ese alumn@ acadou os coñecementos precisos para acceder á outra etapa educativa. Aquí é onde entra en tromba o que a ministra onte chamou “avaliación por competencias”. Temos que pensar que se refería a calquera cambio de etapa no noso sistema educativo e , na ESO , Bacharelato e FP as cousas complícanse mais.

En resume é importante que saibades que dende a Dirección do centro estase a facer un grandísimo esforzo para sacar recursos de onde non os tiñamos e poder garantir que todos e todas teñan o acceso nas condicións máis equitativas posibles e tanto as titoras, os titores, o profesorado e o Departamento de Orientación estamos tamén moi implicados para atender a todas as vosas circunstancias.

Pedimos ás familias que non deixedes de comentarnos a vosa situación porque non vos vemos e precisamos establecer a comunicación convosco. Cando os nen@s están na clase sabemos se teñen ou non dificultades, se están a pasar por un mal momento, pero na distancia precisamos das vosas palabras. Expresádevos, por favor.

Somos conscientes de que nestes momentos as diferenzas entre o alumnado agudízanse moito debido entre outras a:

• Situacións relativas á saude familiar
• Diferencias nos medios de acceso
• Diferencias cos apoios que se podan dar na familia
• Desigualdades cognitivas do propio alumnado
• A situación da convivencia pode variar moito, a nivel emocional, económico, de relacións...
• …

Esta combinación de variables dificultan moitísimo unha avaliación xusta. Para avaliar temos que proporcionar unhas garantías baseadas en dous principios: o principio de equidade (non dar a todos e todas o mesmo, senón a cada alumno/a o que precise) e o principio de atención á diversidade. Estes principios, que xa son difíciles de levar a cabo de forma presencial, cando todo o mundo comparte o mesmo ambiente, son moito máis complicados de aplicar a distancia, con cada neno e cada mestre obrigados a permanecer nas súas casas .

Neste contexto é no que ahora nos movemos e por isto o que onte se propuxo dende o Ministerio de Educación é que ninguén quede atrás por unha pandemia.

Van sair seguramente instruccións mais precisas pero penso que en Infantil e Primaria as cousas están bastante claras.

 Por favor, preguntade todo o que necesitedes , deixade os vosos comentarios nesta páxina ou por mail , teléfono estamos para respostar ás vosas inquedanzas.

Apertas e moito ánimo!!! Sorte para tod@s !!!